Қазақстан Республикасы Бәсекелестікті қорғау және дамыту агенттігінің Түркістан облысы бойынша департаменті бағаны тұрақтандыру және негізсіз көтеруге жол бермеу мақсатында әлеуметтік маңызы бар азық-түлік тауарларын өндіруші мен сатушылармен ЖК «Васитова», ЖК «Хильветов», ЖК «Шапағат» (ӘМАТ көтерме сату) «Insaf LTD» ЖШС-сі (ұн өндіруші), «Яссы құс» ШҚ (жұмыртқа өндіруші), «Сайрам сүт» ЖШС-сі (сүт өнімдерін өндіруші), «Яссы-Құрылыс» ЖШС-сі (нан өндіруші) монополияға қарсы комплаенс актілерін жасады.
Қазақстан Республикасы Кәсіпкерлік кодексінің 195-1-бабының ережелеріне сәйкес монополияға қарсы комплаенс бизнеске монополияға қарсы органмен бірлесіп тауар нарықтарындағы мінез-құлық қағидаттары мен қағидаларын әзірлеуге мүмкіндік беретін Қазақстан Республикасының бәсекелестікті қорғау саласындағы заңнамасын бұзушылықтардың алдын алу жөніндегі шаралар жүйесі болып табылады.
