Түркістан облысында жол құрылысына салғырт қараған 3 мердігер, 1 техникалық қадағалаушының лицензиясы уақытша тоқтатылды. Ол аздай мемлекетке 3 жарым млн теңгеден астам айыппұл төледі. Себебі, олар жолдағы кемшіліктерін жасырып, жауырды жаба тоқуға тырысқан. Айта кетейік, Түркістан облысында жол құрылысымен айналысатын 100- ден астам мердігер мекеме бар. Ал, техникалық қадағалаушылар саны 50-ге жуық. Бірақ көбінің жол құрылысына кешенді сараптама жасап, жұмыс сапасын бақылауға кәсіби білім-біліктілігі, техникалық мүмкіндігі жетіспейді. Сондықтан мердігерлермен өзара ымыраласып, бармақ басты, көз қысты әрекетке баратын деректер анықталуда. Осыған орай «Жол активтері ұлттық Сапа орталығы» Түркістан облыстық Мемлекеттік сәулет –құрылыс бақылау басқармасы мен Сыбайлас жемқорлыққа қарсы іс-қимыл агенттігіне 12 хат жолдап, бірқатар мердігерлер мен жауапсыз техникалық қадағалаушылар жауапқа тартылды.
